सन्देश

जिल्लाका १३ वटै पालिकाहरुमा रहेका सहकारी संस्थाहरुको चौतर्फी विकास, आम शेयर सदस्यहरूको समृद्धि र सहकारी अभियानलाई जीवन्तता दिन नेतृत्व, सुशासन, पारदर्शिता र जवाफदेहिताका पक्षमा हाम्रो प्रतिबद्धता रहेको छ। करिब ३ लाख ८३ हजार भन्दा बढी सहकारीकर्मीहरूको विश्वास र भरोसालाई सम्मान गर्दै सहकारीलाई स्वरोजगार, जीविकोपार्जन र आय आर्जनको आधार बनाउन दीर्घकालीन योजना अगाडि बढाउने हाम्रो उद्देश्य हो।शोषणविहीन आर्थिक सम्बन्ध प्रवर्द्धन गर्दै सहकारी अभियानलाई सशक्त बनाउनु हाम्रो दायित्व हो। संघ, प्रदेश र स्थानीय तहका सहकारी ऐन, नियमावली र कार्यविधिहरूप्रति सचेत गराउँदै स्व-नियमन र अनुगमनलाई ग्रामीणस्तरसम्म पुर्याउने कार्यलाई प्राथमिकता दिइनेछ। सहकारी मन्त्रालय, राष्ट्रिय सहकारी महासंघ, सहकारी विकास बोर्ड लगायतका निकायहरूसँग सहकार्य गर्दै जिल्लाको सहकारी अभियानलाई राष्ट्रिय र अन्तर्राष्ट्रिय स्तरमा पुर्याउने हाम्रो लक्ष्य छ।सुविधासम्पन्न भवनसहित प्रविधिमैत्री पूर्वाधार निर्माण गर्दै सहकारी संघरसंस्थाको क्षमता विकासमा निरन्तर क्रियाशील रहि उत्कृष्ट जिल्ला सहकारी संघको निर्माणका लागि प्रतिबद्धता व्यक्त गर्दछु।